નવસારીના મહિલા પોલીસ અધિકારીને શક્તિ એવોર્ડ આપી સન્માન કરાયું
jainshilp
નવસારી - કોરોના કાળમાં વહીવટી અને પોલીસ અધિકારીઓએ સંવેદનશીલ બનીને ફરજ નિભાવવાની કામગીરી કરી હતી. જેમાં સમાજના દરેક લોકોને બનતી મદદ કરીને સરાહનીય કામગીરી કરનારા મહિલા અધિકારીઓને રાજ્ય સરકારે તમામ જિલ્લાના કોરોના વોરિયર શક્તિ એવોર્ડથી સન્માનિત કર્યા હતા. ત્યારે નવસારીના મહિલા પીએસઆઈ એસ.બી. ટંડેલને પણ ટ્રોફી આપી સન્માનિત કરાયા હતા. શ્રમિકોને રહેવાની જમવાની વ્યવસ્થા કરી આશ્રય અપાવ્યો હતો. મહિલા પીએસઆઈ શેફાલી ટંડેલની કોરોના કાળની કામગીરી પર નજર નાખીએ તો કોરોના સંબધિત જાહેરનામા ભગના કેસ કરવા ઉપરાંત વાહન ડિટેઈનની કામગીરી મોટા પ્રમાણમાં કરવામાં આવી હતી. જિલ્લાના જરૂરિયાતમંદોને માસ્ક તેમજ સેનિટાઈઝર, હેન્ડ ગ્લોવસનું મોટા પ્રમાણમાં વિતરણ કરવામાં આવ્યું હતું. હાઇવે પરથી પસાર થતા શ્રમિકોને રહેવાની જમવાની વ્યવસ્થા કરી આશ્રય અપાવ્યો હતો. જિલ્લામાંથી તેમના નામની દરખાસ્ત મોકલાઈ હતીજે કામગીરીની નોંધ રાજ્ય સરકારે લેતા જિલ્લામાંથી તેમના નામની દરખાસ્ત મોકલાઈ હતી. જેને લઈને ગાંધીનગર ખાતે યોજાયેલા કાર્યક્રમમાં એસ.બી.ટંડેલને શક્તિ એવોર્ડથી સન્માનિત કરવામાં આવ્યાં હતા. મહિલા હોવા છતાં કોરોના કાળમાં પરિવારથી દૂર રહીને અને પોતાના સ્વાસ્થ્યની ચિંતા કર્યા વગર અનેક મહિલા પોલીસ કર્મીઓએ સરાહનીય અને દિશાસુચક ફરજ બજાવી હતી, ત્યારે રાજ્ય સરકારે તેમને સન્માન આપીને ફરજ સાથે સંવેદનશીલતાને પણ સલામ કર્યા હતા. જિલ્લામાં ફરજ બજાવતા અન્ય પીએસઆઈ નિપા પુરાણીને પણ શક્તિ એવોર્ડ મળ્યો છે. જોકે, તેમને તત્કાલીન કોરોના કાળમાં વલસાડ જિલ્લામાં કરેલી કામગીરીને જોતા સન્માન મળ્યું છે.
