પરમ પૂજ્ય સંત શ્રી નિલકંઠચરણદાસજીનો જન્મ દિન ધૂમધામથી મનાવતા ભક્તજનો
jainshilp samachar
jainshilp
જૈનશિલ્પ સમાચાર, સુરત - રતિલાલ જોષી દ્વારા
શ્રી સ્વામીનારાયણ પંથના શ્રી પરમ પૂજ્ય સંત નિલકંઠચરણદાસજી સ્વામીનો ગત રોજ જન્મ દિવસ ભક્તજનોએ ધૂમધામથી મનાવ્યો હતો. લસકાણામાં આયોજિત આ કાર્યક્રમમાં મોટી સંખ્યામાં સ્વામીનારાયણ પંથના ભક્તજનો, સજ્જનો, યુવકો, બાળકો અને વૃદ્ધાઓ તેમજ બહેનોએ ભાગ લીધો હતો. આ પ્રસંગે સેવકોએ ભક્તજનો માટે સારી વ્યવસ્થા ગોઠવી હતી. સાંજના 5 વાગ્યા બાદ ભક્તજનોની ભારે ભીડ ઉમટી પડી હતી. શિષ્યો દ્વારા ગુરુવંદના કર્યા બાદ શિષ્યોએ દંડવત કરીને આશીર્વાદ મેળવ્યા હતા. આ પ્રસંગે ભક્તજનોએ શ્રી સંત નિલકંઠચરણદાસજી સ્વામીના દિર્ઘાયુ માટે પ્રાર્થના કરી હતી. ગુજરાત અને અન્ય પ્રાંતોમાંથી પણ શિષ્યો પધાર્યા હતા અને તેમણે સ્ટેજ પર દંડવત પ્રણામ કરી ગુરુજીના આશીર્વાદ મેળવ્યા હતા. આ પ્રસંગે વિદ્વાન શ્રી હરીચરણદાસજી કે જેઓ નિલકંઠચરણદાસજીના શિષ્ય છે તેમણે ગુજરાતનું નામ રોશન કર્યું છે જે બદલ તેમને સિલ્વર મેડલ પહેરાવી સ્વાગત કરાયું હતું.
