ઉંભેળમાં હરીશભાઈ ગુર્જર દ્વારા નશામુક્ત અભિયાન અંતર્ગત રક્તદાન કેમ્પ યોજાયો
umbhel-harish gurjar
jainshilp
ઊંભેળ ગામ ખાતે શ્રીનાથજી ચેરીટેબલ ટ્રસ્ટ તેમજ દેવસેના ગુજરાત પ્રદેશ અધ્યક્ષ હરીશભાઈ ગુર્જર દ્વારા રક્તદાન કેમ્પ તેમજ ફ્રી મેડિકલ કેમ્પનું આયોજન કરવામાં આવ્યું હતું. શ્રીનાથજી ચેરીટેબલ ટ્રસ્ટ તેમજ દેવસેના ગુજરાત પ્રદેશ પ્રમુખ હરીશભાઈ ગુર્જર દ્વારા નશામુક્ત અભિયાન, શિક્ષણ તેમજ ખેલકુદ અભિયાન અંતર્ગત એક રક્તદાન કેમ્પ અને ફ્રી મેડિકલ કેમ્પ યોજાયો જેનો મુખ્ય ઉદ્દેશ યુવા પેઢી જે મોબાઈલ અને ટીવીમાં વ્યસ્ત રહે છે તેની જગ્યાએ શારીરિક રમત રમી આરોગ્યપ્રદ રહે તે માટે દોરડાકૂદ કરવામાં આવી અને સાથે સાથે દોરડાઓનું વિતરણ કરવામાં આવ્યું હતું. સાથે સાથે રાજસ્થાની સમાજના તેજસ્વી તારલાઓનું નોટબુક પેન વિતરણ કરી સન્માન કરાયું હતું. આ કાર્યક્રમમાં કામરેજ વિધાનસભાના ધારાસભ્ય વી. ડી. ઝાલાવાડીયા તેમજ રાજસ્થાન સમાજના અગ્રણીઓ ઉપસ્થિત રહ્યા હતાં. આ કાર્યક્રમમાં 300થી વધુ બોટલ રક્ત એકત્ર કરાયું હતું.
